Premyer Liqamızda mövsümün püşkü atılacaq
Azərbaycan Premyer Liqasında 2024/2025 mövsümünün püşkü bu gün atılacaq.
Msport.az xəbər verir ki, tədbir AFFA-nın inzibati binasında baş tutacaq.
Püşkatma saat 15:00-da başlayacaq. Sayca 33-cü Azərbaycan çempionatında 10 komanda mübarizə aparacaq.
Bunlar “Qarabağ”, “Zirə”, “Sabah”, “Sumqayıt”, “Neftçi”, “Turan Tovuz”, “Səbail”, “Araz-Naxçıvan”, “Kəpəz” və “Şamaxı” klublarıdır.
Qeyd edək ki, Azərbaycan Premyer Liqasının yeni mövsümü avqustun 2-də start götürəcək.
