Qadın futbolunda rekord - 91 648 azarkeş!
Qadın futbolunda azarkeş sayına görə yeni rekord müəyyənləşib. Msport.az xəbər verir ki, Çempionlar Liqasının yarımfinal mərhələsində “Barselona” – “Volfsburq” oyunununu (5:1) “Kamp Nou”da 91 648 tamaşaçı izləyib.
Qeyd edək ki, əvvəlki rekord da Kataloniya klubunun matçında qeydə alınmışdı. Martın 30-da Çempionlar Liqasında “Barselona” – “Real” görüşününə (5:2) 91 553 azarkeş gəlmişdi.
1999-cu ilin Dünya çempionatında ABŞ və Çin komandalarının qarşılaşmasına isə 90 185 nəfər stadionda baxmışdı. Həmin oyun ABŞ-da Kaliforniya ştatının Pasadina şəhərində keçirilmişdi.
