"Qarabağ" Almaniya və Çexiya klubları ilə üz-üzə
Avstriyada təlim-məşq toplanışında olan “Qarabağ” bu gün ilk yoxlama oyunlarına çıxacaq.
Msport.az-ın məlumatına görə, Azərbaycan çempionu iki qarşılaşma keçirəcək.
Ağdam təmsilçisi ilk olaraq Almaniyanın “Kayzerslautern” komandası ilə qarşılaşacaq. Görüş Bakı vaxtı ilə saat 14:30-da start götürəcək.
“Köhlən atlar” ikinci görüşündə Çexiyanın “Viktoriya” (Plzen) klubunu sınağa çəkəcək. Bu oyun saat 20:00-da başlayacaq.
“Qarabağ”ın Tirolda 4 yoldaşlıq oyunu keçirməsi nəzərdə tutulub. Sonrakı rəqiblər hələlik bəlli deyil.
