“Qarabağ”dan HİK-lə oyun barədə vacib açıqlama
Finlandiyada HİK-ə qarşı keçiriləcək UEFA Avropa Liqasının III təsnifat mərhələsinin cavab oyununda “Qarabağ”ı dəstəkləmək istəyən azarkeşlər üçün ayrılmış biletlər (626 ədəd) oyun günü satışa çıxarılacaq.
Msport.az xəbər verir ki, biletlər Bakı vaxtı ilə saat 18:00-dan etibarən qarşılaşmanın keçiriləcəyi “Bolt Arena”da, 9-cu qapının yaxınlığında satılacaq.
113-114-cü sektorlar üçün nəzərdə tutulmuş biletlərin qiyməti 20 avrodur. Satışı meydan sahibləri həyata keçirir.
Qeyd edək ki, avqustun 17-də keçiriləcək qarşılaşma Bakı vaxtı ilə saat 20:00-da başlayacaq. İlk matçda “Qarabağ” 2:1 hesablı qələbə qazanıb.
