"Qarabağ" - "Gent": Mərkəzi arenada turniketlər quraşdırılıb, bəzi cihazlar dəyişdirilib
Bakıda “Qarabağ” və “Gent” komandaları arasında keçiriləcək UEFA Konfrans Liqasının pley-off mərhələsinin ilk oyunu ilə bağlı Tofiq Bəhramov adına Respublika stadionunun giriş qapılarında turniket sistemi quraşdırılıb.
Msport.az-ın məlumatına görə, azarkeşlər biletlərini rahatlıqla sistemdə oxutdurub stadiona daxil ola biləcəklər.
Əlavə olaraq, arenadakı səsgücləndirici və monitor da dəyişdirilib.
Qeyd edək ki, fevralın 16-da keçiriləcək qarşılaşma saat 21:45-də başlayacaq.
