"Qarabağ"ın rəqibi bəlli oldu
“Qarabağ”ın Çempionlar Liqasındakı ilk rəqibi müəyyənləşib.
Msport.az xəbər verir ki, Azərbaycan çempionu II təsnifat mərhələsində “Hamrun” (Malta) – “Linkoln” (Cəbəllütariq) cütünün qalibi ilə qarşılaşacaq.
Bu mərhələnin ilk görüşləri iyulun 23-24-də, cavab matçları 30-31-də keçiriləcək. Qurban Qurbanovun baş məşqçisi olduğu komanda mövsümə səfərdə başlayacaq.
Qeyd edək ki, I təsnifat mərhələsi iyulun 9-10-da və 16-17-də baş tutacaq.
