"Qarabağ"la oyun "Neftçi" üçün xüsusi əhəmiyyət daşıyır"
Azərbaycan millisinin sabiq futbolçusu Ceyhun Sultanov bu gün Misli Premyer Liqasında “Neftçi” və “Qarabağ” arasında keçiriləcək XXIV turun bağlanış oyunu barədə fikirlərini bölüşüb.
Veteran yarımmüdafiəçi Msport.az-a açıqlamasında matçın “ağ-qaralar” üçün xüsusi əhəmiyyət daşıdığını bildirib:
“Udsalar, “Sabah”a yaxınlaşacaqlar. Bunu etmək üçün şansları da var. Ağır oyun olacaq. “Qarabağ” Belçikadan yorğun qayıdıb. Məğlubiyyətə görə əhval-ruhiyyə yaxşı deyil. Amma bilirəm ki, Ağdam klubu belə matçlardan sonra özünü toparlaya bilir”.
Sultanovun fikrincə, görüş kifayət qədər maraqlı olacaq: “Hər iki komandaya uğurlar arzulayıram”.
Qeyd edək ki, bu gün “Azersun Arena”da keçiriləcək qarşılaşma saat 20:00-da başlayacaq.
CAHİD
