"Səbail" futbolçuları 3 min manat mükafatdan necə məhrum oldu?
Ötən mövsümlə müqayisədə büdcəsi xeyli artan “Səbail” hələ ki ümidləri doğrultmur. Paytaxt klubu 8 oyundan sonra 5 xalla 7-ci yeri tutur. “Dənizçilər” 6-cı pillədə olan “Turan Tovuz”dan 5 xal geri qalır.
Hətta klub rəhbərliyinin vəd etdiyi mükafatlar da “Səbail”i böhrandan çıxarmır. Msport.az xəbər verir ki, 8-ci turda “Qəbələ” üzərində qələbəyə görə, əsas heyətdə meydana çıxan futbolçulara 3 min manat mükafat vəd olunub. Lakin Mahmud Qurbanovun komandası 90-cı dəqiqədə buraxdığı qolla oyundan xalsız ayrıldı – 1:2.
Qeyd edək ki, “Səbail” növbəti turda öz meydanında “Sumqayıt”ı qəbul edəcək.
