"Sumqayıt"ın əsas problemi nədir? - Samir Abasov açıqlayır
Azərbaycan Premyer Liqasında IX turun “Səbail” – “Sumqayıt” (1:0) matçından sonra qonaqların baş məşqçisi Samir Abasov fikirlərini bildirib.
Msport.az xəbər verir ki, o, oyunu belə şərh edib:
“Bu gün oyunda həm müsbət məqamlar var idi, həm də mənfi. Belə anda hər şeyə sakit yanaşmaq lazımdır. Futbolçularımı başa düşürəm. Mövsümün gedişində onlara yeni baş məşqçi gəlib, futbolçular buna adaptasiya olmalıdırlar. Hər şeyi başa düşürəm və irəli baxmaq lazımdır. Bu gün ötən turdan daha çox istək var idi. Çalışdılar, buna görə təşəkkür edirəm.
– Heyətdə olan legionerlər xeyir verə biləcək?
– Qışa kimi onlarla oynamağa vaxtımız var. Bu bizim üçün sınaq olacaq. Kim özünü doğrultsa, onlarla da yolumuza davam edəcəyik.
-“Sumqayıt”ın əsas problemi nədir?
-Hücumda keyfiyyət yoxdur. Komandanın oyununu təhlil edəcəyik. Futbolçulara komandanın oyununa adaptasiya olmaq üçün vaxt lazımdır.
