"Turan Tovuz" "Sabah"dan ayrılan futbolçu ilə anlaşdı
Yeni mövsümdə qarşısına ciddi hədəflər qoyan “Turan Tovuz” heyətini gücləndirir. Msport.az xəbər verir ki, Kurban Berdıyevin rəhbərlik etdiyi komanda daha bir transfer edib.
Qərb klubu “Sabah”dan ayrılan Kristian da Silva ilə 1+1 illik müqavilə bağlayıb. 35 yaşlı futbolçu karyerası ərzində Braziliyada “Tuna Luso”, “Qoiatuba”, “Anapolis”, Kiprdə APOEL, Rumıniyada ÇFR, Portuqaliyada “Nasional”, “Pasuş de Ferreyra”, “Feyrense”, “Kasa Pia”, “Koimbra” klublarının formasını geyinib.
