"Vadji bu mövsüm bizə uğur qazanmağa kömək edə biləcək" - "Sent Etyen"in baş məşqçisi
“Sent Etyen”ə transfer olunan “Qarabağ”ın sabiq hücumçusu İbrahima Vadji fikirlərini bildirib.
Msport.az Fransa təmsilçisinin rəsmi saytına istinadən xəbər verir ki, seneqallı forvard belə deyib:
“Mən Fransaya gəldiyimə və “Sent Etyen” kimi kluba transfer olunduğuma görə çox şadam. Əlimdən gələni edəcəm ki, ümumi məqsədlərimizə çata bilək. Özümü yaxşı hiss edirəm və “stephanoislər”in (“Sent Etyen” komandası belə çağrılır) formasını geyinməyə hazıram”.
Fransa klubunun baş məşqçisi Loran Battles də Vadjinin transferinə münasibət bildirib: “Jan Filipp Krasso kimi dərindən oynamağı bacaran sürətli, qol vuran futbolçunu götürmək vacib idi. İbrahima meydanda çox qaçır və bu mövsüm bizə uğur qazanmağa kəmək edə biləcək. O, yüksək səviyyəli matçlarda, avrokuboklarda çıxış etmiş futbolçudur və bu səviyyəni çox yaxşı bilir.
