“Zirə” meydanı gec suladığına, “Qarabağ” azarkeşlərinə görə cərimə olundu
Bu gün AFFA İntizam Komitəsinin növbəti iclası keçirilib.
Msport.az xəbər verir ki, iclasda I Divizionun 6-cı turu ilə bağlı aşağıdakı qərarlar qəbul edilib:
“Zirə-2” – “Araz Naxçıvan” oyununda meydançanın sulanmasının 19 dəqiqə gecikməsi səbəbindən “Zirə-2” komandası 80 manat cərimə olunub.
“İmişli” – “Səbail-2” oyununda “Səbail-2” komandasının nümayəndəsi oyun öncəsi keçirilən iclasda iştirak etmədiyi üçün komanda 80 manat cərimə olunub.
“Səbail-2” komandasının 4 futbolçusu sarı vərəqə ilə cəzalandırıldığına görə komanda 80 manat cərimə olunub.
VI turun “Qarabağ-2” – “Neftçi-2” oyununun ikinci hissəsinin əlavə vaxtında “Qarabağ-2” azarkeşləri tərəfindən pirotexniki vasitələrdən istifadə edildiyi üçün “Qarabağ-2” komandası 80 manat cərimə olunub.
