"Ankaragücü" Ovusu Kvabenanı almaq istəyir
Müqavilə ilə “Qarabağ”a məxsus olan Ovusu Kvabena “Ankaragücü” klubunda qalacaq.
Msport.az “GHANASoccernet” nəşrinə istinadən xəbər verir ki, paytaxt təmsilçisi 25 yaşlı hücumçunun çıxışından razıdır.
“Ankaragücü” icarə əsasında oynayan qanalı forvardla daimi müqavilə bağlamaq niyyətindədir. “Qarabağ”ın Kvabenanın satışından qazanc əldə edəcəyi bildirilib.
Oyunçu ilə maraqlanan Türkiyənin digər klubları “Ankaragücü” və “Qarabağ” arasındakı danışıqları izləyirlər. Onlar paytaxt klubunun ən yaxşı futbolçularından sayılan Kvabenanı əldə etməkdə maraqlıdırlar.
Qeyd edək ki, Ovusu Kvabenanın “Qarabağ”la 2023-cü ilin yayınadək müqaviləsi var. O, cari mövsüm I Liqada meydana çıxdığı 20 matçda 7 qol və 4 məhsuldar ötürmə ilə yadda qalıb.
