“Atletiko” Danimarka millisinin üzvünü transfer etdi
Martin Yulmann “Sportinq”dən “Atletiko”ya keçib.
Msport.az xəbər verir ki, bu barədə insayder Fabritsio Romano paylaşım edib. Klublar arasında danışıqlar başa çatıb və sənədlər artıq rəsmiləşdirilir.
Madrid klubu bu transferə görə 40 milyon avro+bonuslar ödəyəcək.
26 yaşlı danimarkalı yarımmüdafiəçinin müqavilə müddəti 2031-ci ilin iyununa qədər olacaq.
Yulmann 2023-cü ilin yayından “Sportinq”də çıxış edirdi. O, ötən mövsüm 45 oyunda 3 qol vurub və 5 məhsuldar ötürmə verib.
