Avropa Liqası: "Qarabağ" 32 komanda arasında 30-cu yerdə
“Qarabağ” futbolçularının dəyərinə görə Avropa Liqasının qrup mərhələsində ən zəiflərdən hesab olunur.
Msport.az transfermarkt-ın qiymətləndirməsinə əsasən xəbər verir ki, Ağdam klubunun oyunçularının qiyməti 14,08 milyon avro hesab olunur. Bu göstərici ilə Azərbaycan çempionu 32 komanda arasında 30-cu yeri tutur.
“Qarabağ”dan geridə yalnız Kipr AEK-i (12,03 milyon) və Finlandiya HİK-dir (9,20 milyon.
Heyətinə görə ən dəyərli klublar isə “Mançester Yunayted” (736,80), “Arsenal” (646,50) və “Roma”dır – 415,85 milyon dollar.
Qurban Qurbanovun komandasının mübarizə aparacağı G qrupunda heyətinə görə ən dəyərli komanda “Frayburq” hesab olunur – 150,35.
“Olimpiakos”un oyunçularının qiyməti 118,25, “Nant”da isə 94,30-dur.
