"Azərbaycan Belarusdan iki addım öndədir" - Aleksey Baqa
“Sumqayıt”ın sabiq baş məşqçisi Aleksey Baqa Azərbaycan və Belarus futbolunu müqayisə edib.
Msport.az “Belarus 5″ə istinadən xəbər verir ki, o, Azərbaycan Premyer Liqasına çox güclü əcnəbilərin gəldiyini deyib:
“Azərbaycan legionerlərin dəvət olunması baxımından Belarusdan 2 addım öndədir. Türkiyə, Braziliya, Portuqaliya, Almaniya, İspaniyadan çox güclü oyunçular gəlir. Ona görə də “Qarabağ”, “Sabah”, “Neftçi” indi top səviyyəyə uyğundur. Ümumiyyətlə, oyun planı və strategiya nöqteyi-nəzərdən də Azərbaycan futbolu bizə fora verər. Stadionlar, infrastruktur, demək olar ki, hər komandanın bazası var”.
