Azərbaycan kuboku: "Qarabağ" nominal meydan sahibi oldu
Azərbaycan Kubokunun final görüşünün püşkatma mərasimi keçirilib.
Msport.az xəbər verir ki, mərasimdə Peşəkar Futbol Liqasının (PFL), “Qarabağ” və “Zirə” klublarının nümayəndələri iştirak ediblər.
PFL Texniki-idman şöbəsinin rəisi Elgiz Abbasov, “Qarabağ” menecer Şaiq Həsənov, “Zirə” isə baş menecer Elman Himayətoğlu ilə təmsil olunub.
Püşkatmaya əsasən “Qarabağ” nominal meydan sahibi olub.
Qeyd edək ki, Azərbaycan Kubokunun final oyunu mayın 27-də Qəbələ şəhər stadionunda keçiriləcək.
