Azərbaycanda federasiya fəaliyyətini dayandırdı
Naxçıvan Muxtar Respublikası Şahmat Federasiyası fəaliyyətini dayandırıb.
Msport.az xəbər verir ki, əsası 2002-ci ildə qoyulan federasiya bu gündən fəaliyyətini dayandırıb və ləğv olunub.
Bununla bağlı qurumun rəsmi feysbuk hesabında paylaşım edilib.
Bildirilib ki, bu dövr ərzində Naxçıvanda titullu şahmatçılar, Avropa çempionları və mükafatçıları, dəfələrlə Azərbaycan çempionları, bir çox beynəlxalq şahmat turnirlərinin qalibi olmuş şahmatçılar yetişib: “Naxçıvanda saysız hesabsız keçirilən beynəlxalq turnirlər, xüsusən isə dünya şahmatında öz yerini tapmış Naxçıvan Open turnirləri təşkil olunub”.
Qeyd edək ki, Naxçıvan Muxtar Respublikası Şahmat Federasiyanın sədri Seymur Talıbov idi.
