Azərbaycanda oynamış futbolçu narkotacir olduğunu etiraf etdi
“Bakı” klubunun sabiq futbolçusu Serxio Kontreras Pardo məhkəmə qarşısına çıxıb.
Msport.az xarici KİV-ə istinadən xəbər verir ki, 40 yaşlı keçmiş hücumçu günahını etiraf edib.
O, Avropada narkotik maddələrin alınması və yayılması ilə məşğul olan dəstəyə başçılıq etdiyini bildirib. Veteran forvardı ən azı 6 il həbs cəzası gözləyir.
Qeyd edək ki, Serxio Kontreras Pardo 2019-cu ildə narkotik alverində iştirak etdiyinə görə həbs edilmişdi. O, səkkiz ay həbsdə qaldıqdan sonra 2021-ci ilin iyulunda 15 min avro girov ödədikdən sonra şərti azadlığa buraxılıb. Koke bu ilin martında isə yenidən saxlanılıb.
2012-ci ildə “Bakı”da çıxış etmiş keçmiş futbolçu 4 il sonra karyerasını başa vurub. O, Fransada “Marsel”, İspaniyada “Malaqa” kimi klubların da formasını geyinib.