"Azərbaycanda rahat iki il oynaya bilər" - Rusiya futbolunun əfsanəsi Dzyuba haqqında
Rusiya futbolunun əfsanəsi Aleksandr Mostovoy Artyom Dzyubanın Azərbaycan klublarına keçə bilməsi xəbərini şərh edib.
Msport.az “Championat.com”a istinadən xəbər verir ki, “Spartak”, “Benfika”, “Selta” kimi komandalarda oynamış veteran futbolçu belə deyib:
“Mən Rusiya çempionatının 1-ci turuna baxdım və başa düşmürəm Artyom kimi futbolçu necə heç bir kluba lazım olmaya bilər? İnanmıram ki, Dzyuba Azərbaycanda ola. 34 yaşında adam fikirləşir ki, futbolu necə yüksək səviyyədə başa vursun. Əgər Rusiyada təklif edən yoxdursa, Azərbaycanda rahat iki il oynaya bilər”.
