Ukraynada dubl etdi - Millimizə çağrıla bilər
Azərbaycanlı futbolçu Emil Mustafayev Ukrayna Premyer Liqasında dubl edib. “Aleksandriya” klubunun formasını geyən yarımmüdafiəçi çempionatın lideri “Dnepr-1″lə oyunda 2 qol vurub – 2:2.
Start heyətində meydana çıxan Mustafayev 31 və 88-ci dəqiqələrdə fərqlənib.
Qeyd edək ki, gənc oyunçu Azərbaycanın U-21 yığmasında 3 oyun keçirib. O, 2021-ci ildə Avstriya (0:3) və Norveçlə (1:2) rəsmi matçlarda meydana çıxıb. Mustafayev ötən il iyunun 7-də Finlandiya U-21-ə səfərdə 0:3 uduzduğumuz görüşdə də start heyətində şans əldə edib.
Msport.az-ın əldə etdiyi məlumata görə, yarımmüdafiəçi yaxın vaxtlarda milli komandamıza dəvət oluna bilər. Millinin skautu İlqar Qurbanov Mustafayevin oyunu yaxından izləyir və onun haqqında Canni de Byaziyə məlumat verib.
AYXAN