Bakı klubunun kapitanı Finlandiyaya niyə gedib?
Futzal üzrə “Baku Fire” kollektivinin kapitanı Elvin Quliyev UEFA-nın məşqçilər üçün nəzərdə tutulan B kateqoriyalı kursunda iştirak edir.
Klubdan Msport.az saytına verilən məlumata görə, Finlandiyada təşkil olunan seminarda UEFA təlimçiləri həm nəzəri, həm də praktiki təlimlər keçir.
Kurs 3 mərhələdən ibarətdir. Avqustdan sonra növbəti kurs noyabrda, imtahan isə gələn ilin fevralında keçiriləcək.
Qeyd edək ki, E.Quliyevin yer aldığı seminar UEFA-nın təşkil etdiyi ən üst kurs hesab olunur.
