"Baku Sportinq" büdrədi, "Səbail" 2-ci pilləyə yüksəldi
Futbol üzrə Azərbaycan I Liqasında 24-cü tura yekun vurulub.
Msport.az xəbər verir ki, bu gün iki oyun keçirilib.
“Baku Sportinq” gözlənilmədən öz meydanında autsayder “Difai”ni məğlub edə bilməyib – 1:1.
“Səbail” isə “Bayıl Arena”da “Cəbrayıl”ın qapısından 6 cavabsız top keçirib. “Dənizçilər” bu qələbədən sonra xallarının sayını 46-ya çatdıraraq 2-ci pilləyə yüksəliblər. Lider “Şəfa” 53 xala malikdir. “Mingəçevir” 45 xalla 3-cü, “Baku Sportinq” isə 42 xalla 4-cü yeri tutur.
30 aprel
“Baku Sportinq” – “Difai” 1:1
Qollar: Rubin Seyidov, 32 – Kristian Kamta, 80
“Səbail” – “Cəbrayıl” 6:0
Qollar: Alfonso Almeyda, 12, Fəxri Məmmədli, 25, Rəşad Həsənov, 32-öz qapısına, Ruslan Vorontsov,84, Qurban Səfərov, 87, Roman Hüseynov, 89.
