Bəhram Bağırzadə Qurban Qurbanovu təriflədi - Ona "Neftçi"də işlədiyi vaxt yazdığı statusu xatırlatdılar- FOTO
“Neftçi” Müşahidə Şurasının sabiq üzvü, tanınmış aktyor Bəhram Bağırzadə sosial şəbəkədə tənqid olunub.
Msport.az xəbər verir ki, Bakılı oğlanlar” komandası ilə tanıdığımız Bağırzadə məşhur aparıcı Sənan Şəfizadənin “təəssüf, çox təəssüf. Azərbaycan çempionatı ilə avrokuboklar arasında fərqi gördük. Bu hələ Konfrans Liqası idi” paylaşımına rəy yazıb.
O, rus dilində “poka ne budet eshe 7 Qurban Qurbanovıx tak i budet (daha 7 Qurban Qurbanov olmayınca. belə də olacaq) yazıb.
Bu zaman ona 2016-cı ildə Tofiq Bəhramov adına Respublika stadionunda keçirilmiş Azərbaycan kubokunun finalından sonra yazdığı fikir xatırladılıb.
Qeyd edək ki, “Qarabağ”ın “Neftçi”ni 1:0 hesabı ilə məğlub etdiyi matçdan sonra Bəhram Bağırzadə Ağdam klubunun heyətində legionerlərin çox olmasını nəzərdə tutaraq, “Gəlib Azərbaycan komandasına dəstək olan hər kəsə təşəkkür edirəm. Allah sizdən razı olsun” yazmışdı. Ancaq tanınmış şoumen bu tənqidə cavab verməyib.
