Beynəlxalq Olimpiya Komitəsindən ukraynalı idmançılara dəstək
Beynəlxalq Olimpiya Komitəsi (IOC) ukraynalı idmançılara 2 milyon ABŞ dollarından çox ianə edib.
Msport.az xəbər verir ki, bu barədə IOC prezidenti Tomas Bax qurumun rəsmi saytına açıqlama verib.
Funksioner hazırkı çətin şəraitdə idmançılara verdikləri dəstəkdən məmnunluğunu bildirib. O bildirib ki, olimpiya ailəsinin lazımi məqamda bir araya gəlmək və ehtiyac duyulan yardımı etmək bacarığında olması çox təsirlidir.
Qeyd edək ki, daha əvvəl UEFA Ukraynada müharibədən əziyyət çəkən uşaqlara 1,1 milyon avro vəsait ayırıb.
