Çempionlar Liqası: "Qarabağ" yalnız "Makkabi"dən geri qalıb
UEFA Çempionlar Liqasının I təsnifat mərhələsinin cavab oyunlarını tribunalardan izləyən azarkeşlərin sayı açıqlanıb.
Msport.az xəbər verir ki, 15 matçı ümumilikdə 106 358 tamaşaçı izləyib.
Ən çox azarkeş “Makkabi” (Hayfa, İsrail) – “Hamrun” (Malta) qarşılaşmasında qeydə alınıb. İsrail klubunun 2:1 hesabı ilə qalib gəldiyi görüşdə 28 613 tərəfdar olub.
“Qarabağ”ın Bakıda Cəbəllütariqin “Linkoln” klubuna 4:0 hesabı ilə qalib gəldiyi oyun siyahının ikinci pilləsində qərarlaşıb. Bakı Olimpiya Stadionundakı matçda tribunalarda 19 453 nəfər olub.
