Çempionlar Liqası: “Sabah”ın rəqibi bu gün müəyyənləşəcək
Bu gün “Sabah”ın UEFA Çempionlar Liqasının 3-cü təsnifat mərhələsindəki rəqibi müəyyənləşəcək.
Msport.az xəbər verir ki, Azərbaycan çempionunun rəqibi “Lex” (Polşa) – “Orxus” (Danimarka) cütünün qalibi olacaq.
Bu komandaların ilk görüşündə “Lex” səfərdə 4:1 hesabı ilə qələbə qazanmaqla növbəti mərhələyə yüksəlmək üçün yaxşı şans qazanıb. Komandaların cavab qarşılaşması Poznan şəhər stadionunda keçiriləcək. Oyun bu gün Bakı vaxtı ilə saat 21:00-da başlanacaq.
Qeyd edək ki, ÇL-də 3-cü təsnifat mərhələsinin matçları 4/5 avqust və 11 avqusta təyin edilib. “Sabah” ilk oyununu səfərdə keçirəcək.
