ÇL-də ən çox oynayanlar - SİYAHI
Çempionlar Liqasında (ÇL) dəqiqə baxımından ən çox oynayan futbolçuların siyahısı dərc edilib.
Msport.az xəbər verir ki, ilk “10-luq”da “Real” və “Barselona”nın 9 sabiq futbolçusu daxil olub.
Sıralamaya Portuqaliya millisinin və “Əl-Nəsr”in kapitanı, Madrid təmsilçisinin sabiq forvardı Kriştiano Ronaldo liderlik edir – 15 min 758 dəqiqə.
Argentina millisinin və “İnter Mayami”nin lideri, Kataloniya klubunun keçmiş hücumçusu Lionel Messi 2-cidir – 13 min 577 dəqiqə. “3-lüy”ü isə İspaniya millisinin və “Real”ın formasını geyinmiş Serxio Ramos tamamlayır – 12 min 449 dəqiqə.
Maraqlıdır ki, sıyahıda “Real” və “Barselona”nın sabiq futbolçularından başqqa yalnız 1 oyunçu yer alıb. Bu, bütün karyerasını “Milan”da keçirən əfsanəvi müdafiəçi Paolo Maldinidir (11 min 450 dəqiqə).
ÇL-də ən çox oynayan futbolçuların siyahısı aşağıdakı kimidir:
- Kriştiano Ronaldo – 183 matç, 15,758 dəqiqə
- Lionel Messi – 163 matç, 13 577 dəqiqə
- Serxio Ramos – 142 matç, 12.449 dəqiqə
- Raul Qonzales – 142 matç, 11,989 dəqiqə
- Toni Kroos – 151 matç, 11,635 dəqiqə
- Paolo Maldini – 135 matç, 11,450 dəqiqə
- Xavi – 151 matç, 11,308 dəqiqə
- Robert Levandovski – 135 matç, 11,196 dəqiqə
- Kərim Benzema – 152 matç, 10,943 dəqiqə
- Jerar Pike – 128 matç, 10,627 dəqiqə.
