DÇ-2026: Tarixdə ilk olacaq
DÇ-2026-nın Argentina – İspaniya finalı tarixdə ilklə yadda qalacaq.
Msport.az xəbər verir ki, FİFA-nın 1992-ci ildən tətbiq etdiyi dünya reytinqi tarixində ilk dəfə olaraq reytinq cədvəlinin ilk iki pilləsində qərarlaşan yığmalar dünya çempionatının finalında qarşılaşacaq.
Bununla yanaşı, mundiallar tarixində ilk dəfə Avropa çempionu ilə Amerika Kubokunun son qalibi də həlledici oyunda üz-üzə gələcək. İspaniya 2024-cü ildə Avropa çempionu olub, Argentina isə həmin il Amerika Kubokunu qazanıb.
Qeyd edək ki, DÇ-2026-nın finalı iyulun 19-da keçiriləcək.
