Duran "Sabah"la oyunu buraxa bilər
“Qarabağ”ın zədələnən futbolçusu Kamilo Duran hazırda həkimlərin müşahidəsi altındadır.
Msport.az xəbər verir ki, bu barədə Ağdam klubunun mətbuat xidməti məlumat yayıb.
24 yaşlı kolumbiyalı hücumçu UEFA Çempionlar Liqasının pley-off mərhələsində “Nyukasl” ilə cavab oyununda zədələnib. “Həkimlər yekun rəy verdikdən sonra ətraflı məlumat veriləcək” – mətbuat xidmətinin açıqlamasında deyilir.
Duran”Qarabağ”ın İngiltərədə 2:3 hesabı ilə məğlub olduqları matçın ikinci hissəsində zədələnib.
Qeyd edək ki, Qurban Qurbanovun komandasını bu həftə Azərbaycan Premyer Liqasında vacib oyun gözləyir. Ağdam təmsilçisi bazar günü saat 19:00-da Tofiq Bəhramov adına Respublika stadionunda çempionatın lideri “Sabah”ı qəbul edəcək.
