Elxan Məmmədovun yerinə təyinat olacaqmı?
AFFA-da icraçı vitse-prezident vəzifəsinə yeni təyinat gözlənilmir.
Msport.az xəbər verir ki, bu barədə milli assosiasiyanın Mətbuat və İctimaiyyətlə Əlaqələr Şöbəsinin müdiri Firuz Abdulla məlumat verib.
Elxan Məmmədov AFFA İcraiyyə Komitəsinin 2020-ci il yanvarın 28-də keçirilmiş iclasında icraçı vitse-prezident təyin olunub. Bu vəzifə məhz həmin vaxt yaradılıb.
Ötən gün FIFA-nın Avropa Milli Assosiasiyaları üzrə direktoru təyin olunan funksioner AFFA-dakı işini İcraiyyə Komitəsinin üzvü və ictimai əsaslarla vitse-prezident kimi davam etdirəcək.
E.Məmmədov AFFA-da əməkhaqqı almadan çalışacaq. (Report.az)