Fələstinli futbolçu öldürülüb
Fələstin futbolunda növbəti ağır itki yaşanıb.
Msport.az xəbər verir ki, “Khadamat Khan Younis”in qapıçısı Səlim əl-Əşqərin öldürüldüyü açıqlanıb.
Fələstin Futbol Federasiyasının açıqlamasına görə, 32 yaşlı qapıçı İsrail əsgərlərinin açdığı atəş nəticəsində həyatını itirib.
Hadisənin Xan Yunisin şimal-şərqində yerləşən Əl-Qərara bölgəsində baş verdiyi bildirilir. Səlim əl-Əşqərin cəmi beş ay əvvəl ailə qurduğu və yaxın vaxtlarda ilk övladının dünyaya gəlməsini gözlədiyi qeyd olunur.
2023-cü ilin oktyabrından bu yana Fələstin idman ictimaiyyətində həlak olanların sayı 1000-i ötüb. Onlardan 567 nəfərinin futbol camiasının nümayəndəsi olduğu bildirilir.
