“Formula 2” yarışının qalibi məlum oldu
Formula-1 Azərbaycan Qran-Prisi çərçivəsində Bakıda keçirilən “Formula 2” üzrə əsas yarışın qalibinin adına aydınlıq gəlib.
Msport.az xəbər verir ki, 29 dövrənin yekununda “Prema Racing” komandasının pilotu Dennis Hauger bütün rəqiblərini qabaqlayıb.
Yarışa liderlik edən “Hitech Grand Prix” komandasının üzvü Yuri Vipsin bolidi qoruyucu səddə çırpıldığından o, mübarizəni davam etdirə bilməyib. “Carlin” komandasının pilotu Logan Sargeant ikinci, “MP Motorsport”un sürücüsü Felipe Druqoviç üçüncü yeri tutub.
Ümumilikdə 6 pilot yarışı sonadək davam etdirə bilməyib.
