Futzal millimizdən iki yoldaşlıq oyunu
AVRO-2026-ya hazırlıq məqsədi ilə Azərbaycanın futzal millisi noyabrda 2 yoldaşlıq oyunu keçirəcək.
Msport.az Futzal Federasiyasının mətbuat xidmətinə istinadən xəbər verir ki, komanda Bosniya və Herseqovina yığması ilə üz-üzə gələcək.
Oyunlar noyabrın 4-ü və 5-də Zenitsa şəhərində yerləşən Huseyn Smayloviç adına arenada, yerli vaxtla saat 19:00-da start götürəcək.
Qeyd edək ki, Azərbaycan millisi Avropa çempionatının əsas mərhələsində İsveç, Xorvatiya və Yunanıstanla bir qrupda yer alıb.
