İddiaçılar turniri: Rəcəbov mübarizəyə başlayır

17.06.202210:45

İddiaçılar turniri: Rəcəbov mübarizəyə başlayır

Bu gün İspaniyanın paytaxtı Madriddə Teymur Rəcəbovun iştirakı ilə İddiaçılar Turniri start götürəcək.

Msport.az xəbər verir ki, Azırbaycan şahmatçısı ilk turda Fransa təmsilçisi Alireza Firuzca ilə qarşılaşacaq. 35 yaşlı qrossmeyster bu partiyada ağ fiqurlarla oynayacaq.

Həmyerlimizin turnirdəki digər rəqibləri çinli Dinq Liren, ABŞ şahmatçıları Fabiano Karuana və Hikaru Nakamura, FİDE bayrağı altında yarışan son İddiaçılar Turnirinin qalibi rusiyalı Yan Nepomnyaşi, macar Rixard Rapport və polşalı Yan-Kşıştof Dudadır.

Dairəvi sistem üzrə keçiriləcək yarış 14 turdan ibarət olacaq. Şahmatçılar bir-biri ilə iki dəfə (ağ və qara fiqurlarla) qarşılaşacaqlar. Turnirin qalibi dünya şahmat tacı uğrunda norveçli Maqnus Karlsenlə görüşə vəsiqə qazanacaq.

Rəcəbov yarışda FİDE-nin ona təqdim etdiyi “Wild Card” (xüsusi dəvət) sayəsində çıxış edəcək. 2019-cu ildə keçirilmiş Dünya Kubokunun qalibi kimi İddiaçılar Turnirinə vəsiqə qazanan şahmatçının Teymur nüfuzlu turnirdə iştirakı alınmamışdı. Şahmatçımızın koronavirusla əlaqədar yarışın təxirə salınması barədə təklifi FIDE tərəfindən qəbul olunmadığından o, iştirakdan imtina etmişdi.

İddiaçılar Turniri
I tur

Teymur Rəcəbov (Azərbaycan)- Alireza Firuzca (Fransa)
Yan-Kşiştof Duda (Polşa) – Rixard Rapport (Macarıstan)
Dinq Liren (Çin) – Yan Nepomnyaşi (FIDE)
Fabiano Karuana (ABŞ) – Hikaru Nakamura (ABŞ)