"Kəpəz" "Amkar"ın sabiq futbolçusunu transfer edir
“Kəpəz” yaxın günlərdə daha bir transfer reallaşdıracaq.
Msport.az xəbər verir ki, Gəncə klubu “Amkar”ın sabiq futbolçusu Rinat Hüseynovla anlaşmağa yaxındır. Vaxtilə 19 yaşlılardan ibarət milli komandamıza da dəvət olunmuş mərkəz müdafiəçisi klubun düşərgəsindədir. Son dəfə Permin “Zvezda” klubunda II liqada oynamış Hüseynov əvvəlcə “Şamaxı”da baxışda olsa da, yüngül zədə aldığından bu komandaya keçidi baş tutmamışdı.
Xatırladaq ki, müdafiəçi 2017-ci ildə “Qarabağ”da baxışda olsa da, bəyənilməmişdi.
