“Kəpəz”də Yaşar Vahabzadə dönəmi bitdi
“Kəpəz”in baş məşqçisi Yaşar Vahabzadə komandadan ayrılır. Msport.az-ın əldə etdiyi məlumata görə, bu gün “Səbail”ə 1:4 hesablı məğlubiyyətdən sonra 62 yaşlı mütəxəssis postundan ayrılıb.
Hələ ki Gəncə klubu Vahabzadənin istefası ilə bağlı qərarı açıqlamasa da, sabah bunun elan edilməsi gözlənilir.
Qeyd edək ki, “Kəpəz” 4 oyundan sonra Premyer Liqada xal toplamayan yeganə komandadır.
Vahabzadə “Kəpəz”ə 2019-cu ildən rəhbərlik edirdi.
