Mbappe Fransa millisinin düşərgəsini tərk etdi
Fransa millisinin kapitanı Kilian Mbappe Türkiyə ilə UEFA Millətlər Liqasınən oyununda (1:0) qol vurduğu zaman zədələnib.
Msport.az xəbər verir ki, “Real”ın hücumçusu bu səbəbdən yığmanın düşərgəsini tərk edib.
27 yaşlı futbolçu dizindən zədə alıb. Onda vətər zədəsi aşkar edilib və forvard təlim-məşq toplanışının qalan hissəsində iştirak edə bilməyəcək.
Xatırladaq ki, Mbappe 54-cü dəqiqədə Türkiyə millisinin qapısına yol tapdıqdan sonra oyunu davam etdirə bilməyib.
