"Məsuliyyətlə müdafiə olunduq" - "Viktoriya"nın kapitanı
Birinci hissədə hücuma keçərək rəqibi bir az qəzəbləndirmək istəyirdik. Fərqlənmək üçün şanslarımız da oldu”.
Msport.az xəbər verir ki, bunu “Viktoriya”nın kapitanı Lukaş Heyda Bakıda “Qarabağ”la qolsuz heç-heçə etdikləri UEFA Çempionlar Liqasının pley-off mərhələsinin ilk oyunundan sonra deyib.
32 yaşlı müdafiəçi fasilədən sonra praktiki olaraq heç nə etmədiklərini bildirib: “Məsuliyyətlə müdafiə olunduq və bunu sərfəli nəticə kimi qəbul edirik”.
Qarşılaşmada sarı vərəqə aldığı üçün cəzalı duruma düşən Heyda azarkeşlərdən üzr istəyib: “Buna baxmayaraq komanda yoldaşlarımın işin öhdəsindən gələcəyinə inanıram”.
Qeyd edək ki, avqustun 23-də Plzendəki “Dusan Arena”da oynanılacaq cavab matçı Bakı vaxtı ilə saat 23:00-da başlayacaq.
