"Mirabdullaya şans yaratdıq ki, özünü göstərsin" - Mahmud Qurbanov
“Neftçi”dən ayrılan Mirabdulla Abbasov “Səbail”ə 1 illik müqavilə bağlayacaq.
Bunu Msport.az-a açıqlamasında “dənizçilər”in baş məşqçisi Mahmud Qurbanov dedi. Bəs 27 yaşlı hücumçunun sonuncu dəfə ötən ilin oktyabrında meydana çıxması Qurbanovu qorxutmur ki?
“Düzdür, Mirabdulla təxminən bir ilə yaxındır ki, futbol oynamayıb. Amma şans verdik ki, özünü göstərsin. Potensialı olan futbolçudur. “Neftçi-2″də baş məşqçi olanda orada məşq edirdi. Əslində biz də hücumçu axtarırdıq. Belə bir variant ortaya çıxdı və onu dəbət etdik. İndi şans yaranıb oynayıb özünü göstərməlidir. Onun üçün də, bizim üçün də xeyirli olsun”.
Qeyd edək ki, Abbasovun “Neftçi” ilə müqaviləsinə dünən qarşılıqlı razılaşma əsasında xitam verilib.
