Musa Qurbanlı məşhur klubun əsas hədəfidir
“Zaltsburq” klubu hücum xəttin gücləndirmək istəyir.
Msport.az xəbər verir ki, Avstriya klubunun əsas hədəfi “Qarabağ”ın futbolçusu Musa Qurbanlıdır.
Bu barədə avstriyalı jurnalist Aleksandr Andonov şəxsi tviter səhifəsində paylaşım edib.
O bildirib ki, ötən mövsüm Azərbaycan Premyer Liqasını 21 qol və 7 məhsuldar ötürmə ilə tamamlayan forvard Bundesliqa təmsilçisinin əsas transfer hədəflərindən biridir: “Qurbanlının yaşı və qiyməti də “Zaltsburq” üçün uyğundur. Onun keçidi bir milyon avroya başa gələ bilər. “Qarabağ”ın 2026-cı ilədək müqaviləsi olan oyunçunu buraxıb-buraxmayacağı isə başqa mövzudur”.
