Namik Ələskərov “Sabah”da!
“Sabah” heyətini yeni futbolçu ilə gücləndirib.
Msport.az xəbər verir ki, Azərbaycan millisinin üzvü Namik Ələskərov bundan sonra sözügedən komandanın uğurları üçün çalışacaq.
27 yaşlı yarımmüdafiəçi ilə bağlanmış müqavilənin müddəti 3 ildir.
Namik karyerası ərzində ölkəmizdə “Bakı”, “Qarabağ”, “Kəpəz”, “Neftçi” klublarında çıxış edib. Onun son komandası Türkiyə “Bursaspor”u olub.
Ələskərov “Sabah”da 17 nömrəli formada çıxış edəcək.
