Namikin qolu da "Bursaspor"u xilas etmədi - Video
Millimizin üzvü Namik Ələskərovun çıxış etdiyi “Bursaspor” Türkiyənin 1-ci Liqasında növbəti oyununu keçirib.
Msport.az xəbər verir ki, komanda 32-ci turda səfərdə “İstanbulspor”la qarşılaşıb. Görüş meydan sahiblərinin 3:1 hesablı qələbəsi ilə başa çatıb.
Start heyətdə meydana daxil olub, sonadək mübarizə aparan vinger komandasının yeganə qolunu vurub. 27 yaşlı futbolçu 7-ci dəqiqədə hesabı açıb. Bu, Ələskərovun Bursa klubunda 5-ci qoludur.
Qeyd edək ki, “Bursaspor” turnir cədvəlində 31 xalla 18-ci yeri tutur.
“İstanbulspor” – “Bursaspor” – 3:1
Qollar: Yazqan, 34, Etemi, 68, Topalli, 90+5 – N. Ələskərov, 7
