"Nant" "Qarabağ"la oyundan əvvəl hücumçu aldı
“Qarabağ”ın UEFA Avropa Liqasının qrup mərhələsindəki rəqiblərindən olan “Nant” növbəti transferini gerçəkləşdirib.
Msport.az “Ouest-france” nəşrinə istinadən xəbər verir ki, Liqa 1 təmsilçisi “Lans”da çıxış edən İqnatius Qanaqonu heyətinə cəlb edib.
23 yaşlı kamerunlu hücumçu bu gün yeni klubunda tibbi müayinədən keçəcək.
Qeyd edək ki, “Qarabağ” “Nant”la sentyabrın 15-də evdə, oktyabrın 27-də isə səfərdə qarşılaşacaq.
