Nazirlik 5 idman obyektinə direktor axtarır
Gənclər və İdman Nazirliyi 5 idman obyektində direktor vəzifəsi üzrə işə qəbul elan edib.
Msport.az xəbər verir ki, bu haqda məlumatı nazirliyin mətbuat xidməti yayıb.
Bu obyektlər Gəncə Olimpiya İdman Kompleksi MMC, Şəki Olimpiya İdman Kompleksi MMC, Bakıdakı Respublika Olimpiya Mərkəzi, Mingəçevir şəhərindəki Kür Olimpiya Tədris İdman Mərkəzi MMC və paytaxtda yerləşən Respublika Velotrekidir.
55 yaşadək olan namizədlərdən idman sahəsində 6 il iş stajı tələb olunur.
Müraciət etmək istəyənlər sənədləri aprelin 23-dək müvafiq ünvana göndərməlidir.
