"Neftçi"nin yeni transferləri - Ötən mövsümlə müqayisədə nəticələr çox yaxşıdır
“Neftçi” bu mövsüm UEFA Konfrans Liqasında keçirdiyi 3 oyunda 2 qələbə qazanıb, bir dəfə meydanı məğlub tərk edib. “Ağ-qaralar” bu görüşlərdə 5 top vurub, üç qol buraxıb.
Msport.az xəbər verir ki, bu 5 qolun dördü paytaxt klubunun yeni transferlərinin aktivinə yazılıb. Bundan başqa, “yenilər”in hesabında 1 məhsuldar ötürmə də var.
Maraqlıdır ki, “Neftçi”nin ötən mövsüm avrokuboklarda keçirdiyi 8 matçın heç birində yeni transferlər fərqlənə bilməmişdilər. Onların aktivində nə qol var idi, nə də assist.
