"Neftçi" Qaranın transferini nə təsdiq, nə də təkzib etdi
“Neftçi” Azərbaycan millisi və “Qarabağ”ın futbolçusu Qara Qarayevlə anlaşmaları barədə xəbərlərə münasibət bildirib.
Klubun Media, Marketinq və İctimaiyyətlə Əlaqələr Departamentinin rəisi Rüstəm Allahverdiyev Msport.az saytına açıqlamasında məlumatı nə təsdiq, nə də təkzib edib:
“Qara “Qarabağ”dan ayrılmayıb. Klubu ilə müqaviləsi olan oyunçu haqqında rəsmi açıqlama verə bilmərik”.
Qeyd edək ki, Qara Qarayev karyerası ərzində ancaq “Qarabağ”ın formasını geyinib.
