“Neftçi” qələbə ilə mübarizəni dayandırdı
Azərbaycanın UEFA Konfrans Liqasındakı təmsilçisi “Neftçi” II təsnifat mərhələsində cavab oyununa çıxıb.
Msport.az xəbər verir ki, Bakı klubu Belarusun “Dinamo” (Minsk) komandasının qonağı olub.
Evdə baş tutan ilk oyunda 2:4 hesabı ilə məğlub olan “ağ-qaralar” Bolqarıstanın Stara Zaqora şəhərində yerləşən “Beroe” stadionundakı cavab görüşündə 1:0 hesablı qələbə qazanıb. Təmsilçimizin heyətində qolu 12-ci dəqiqədə Breno Almeyda vurub. Lakin bu qalibiyyət mərhələ adlamağa kifayət etməyib.
Ümumi nəticədə 4:3 hesablı qələbə qazanan “Dinamo” mübarizəni davam etdirib, “Neftçi” isə avrokuboklarla vidalaşıb.
