"Neftçi" tanınmış mütəxəssisi Bakıya dəvət etdi - Danışıqlar başlayır
“Beşiktaş”ın sabiq baş məşqçisi Sergen Yalçın növbəti həftə Bakıya gələcək.
Msport.az saytının məlumatına görə, bu barədə türkiyəli jurnalist Levent Emir Erol paylaşım edib.
O bildirib ki, 51 yaşlı mütəxəssis “Neftçi”nin xüsusi dəvəti ilə paytaxtımıza təşrif buyuracaq.
“Ağ-qaralar”ın türkiyəli çalışdırıcı ilə masaya oturacağı və son detalları müzakirə edəcəyi bildirilib.
Qeyd edək ki, hazırda “Neftçi”yə Laurentsiu Regekampf başçılıq edir. Paytaxt klubu rumıniyalı mütəxəssislə yolları ayırmağa çalışır.
