Paris-2024: Anna Skidan finala yüksəldi
Paris-2024 Yay Olimpiya Oyunlarında yüngül atletika yarışları davam edir. Msport.az xəəbər verir ki, Anna Skidan mübarizəyə başlayıb.
Millimizin üzvü çəkicatma yarışlarında qüvvəsini sınayır. O, ilk cəhddə 69,58 m nəticə göstərib. Daha sonra isə Skidanın göstəriciləri belə olub – 69,04 metr və 72,55 metr.
Skidan öz qrupunda 16 iştirakçı arasında 3-cü olub. Daha sonra digər qrupda çıxış edən 16 idmançı mübarizəyə qoşulub. Onların çıxışından sonra finala vəsiqə qazanan 12 idmançının adı bəlli olub. Skidan finala 6-cı nəticə ilə yüksəlib.
Final avqustun 6-da keçiriləcək.
